මුලින් ප්‍රංශයට අයත් නගරයක් ලෙස ගොඩ නැංවී, 1760 දී බ්‍රිතාන්‍ය යටත් විජිතයක් බවට පත්වූ නිසා 18 සියවසට අයත් ප්‍රංශ තේජස්වී පෞරාණික ගෘහ නිර්මාණ ශිල්පය සහිත ගොඩනැගිලි හා 19 වන සියවසේ වික්ටෝරියානු සම්ප්‍රදායේ ඓතිහාසික වාණිජ ගොඩනැගිලි එකවර දැකගත හැකි ස්ථානයකි, පැරණි මොන්ට්‍රියල් නගරය.
බොහෝ දුරට පැරණි බව රැකගෙන සිටින මේ නුවර කඩ සාප්පු, බැංකු, කෞතුකාගාර, කලාගාර, සම්ප්‍රදායික හා නවීන ආපනශාලා මෙන්ම China Town එකක්ද ඇත. සම්පුර්ණ බිම හා පාරවල් විශාල ගල් Cobble stone මගින් සැකසී ඇත.
මේ අතුරින් ඓතිහාසික ස්ථාන කිහිපයක් විස්තර කලොත්,
1. නගරය උපන් ස්ථානය Point-a-Callere : නගරයක් ආරම්භ කළ ස්ථානයක් සොයාගැනීම ලෝකයේම විරලදෙයක්. මෙම නගරයට මුලින්ම ප්‍රංශ ජාතිකයන් ගොඩ බැස්ස ශාන්ත ලෝරන්ස් ගඟ අතු ගංගාවකට සම්බන්ධ වන ස්ථානය නගරයේ උපත සිදුවූ තැන ලෙස සිහිවටන ඵලකයක් හා කෞතුකාගාරයක් පිහිටවා ඇත. (ඔව්, ඊට පෙර ඇමරිඩියන් නම් ආදී වාසින් අවුරුදු දහස් ගණනක් ජිවත්ව සිට ඇත).
2. Place d'Armes : මොන්ට්‍රියල් නගරයේ අලංකාරම මහජන චතුරශ්‍රය
3. Notre-Dame බැසිලිකා පල්ලිය.: උස් සීලිම්, අසාමාන්‍ය ලෙස වර්ණවත් විදුරු හා අතිශය අලංකාර
4. මොන්ට්‍රියල් නගර ශාලාව: එම්ප්‍රදෝරු ආකෘතියට අනුව 1872 දී සැදු ගොඩනැගිල්ලේ වටේ බිත්ති හැර සියල්ල 1922 මහා ගින්නෙන් විනාශ විය. එම නටබුන් ඇතුලතින් නැවත ප්‍රංශයේ City of Tours ආකෘතිය අනුව නව ගොඩනැගිල්ලක් තැනුනි.
5. කැනඩාවේ පළමු බැංකුව Bank of Montreal :උස් කුළුණු අතරින් පිවිසිය හැකි පැරණි අලංකාර
6.පැරණි වරාය: අතීතයේ සිට බෝට්ටු, අඟුල් හා ඔරු නැවැත්වූ, වෙළඳ ගණුදෙණු, විශේෂයෙන් ලෝම වෙළඳම සිදුවූ ස්ථානයයි. ඇතින් Jaques යකඩ
 |
| පැරණි වරාය. |
1765දී නගරය බ්‍රිතාන්‍යයන් යටතේ ගොඩනැංවීගෙන එන කාලයේ මහා ගින්නකින්, අනාථ ළමුන් සඳහා වූ නිවාසයක් ඇතුළු ගොඩනැගිලි ගණනාවක් විනාශ වී ඇත. නැවත 1852 ඇතිවූ මහා ගින්නට නගරයෙන් භාගයක් පමණ ගොදුරු වී ඇති අතර මිනිසුන් දසදහසකට පමණ නිවෙස් අහිමි වී තිබේ.
සෑම මාවතකම පාහේ පැරණි ගෘහ නිර්මාණ ශිල්පයට අනුව සෑදු නිවාස හා වාණිජ කටයුතු සඳහා භාවිතා කළ හා කරන ගොඩනැගිලි දකින්නට ලැබේ. මුර්ති, කැටයම් සහිත බිත්ති, ගෑස් ලාම්පු, වාර දෙකකදී සිදුවූ මහා ගිනි වලින් බේරුණු හෝ නැවත ප්‍රතිසංස්කරණය කරන ලද පල්ලි, නිවස හා ගොඩනැගිලි සංචාරක ආකර්ෂණය ලබයි.
 |
| වාණිජ ගොඩනැගිලිවල ප්‍රදර්ශන කවුළු |
 |
| ගල් ඇතිරූ පටු මාවත් |
ගිම්හානයේ ඉර බැසීම පමා සැන්දෑවක නගරයේ ගල් ඇතිරූ අලංකෘත මාවත් දිගේ, සුමුදු සුළං සුව විඳිමින් ගැවසෙන සෙනග අතර, මේ ප්‍රියමනාප ගෘහ නිර්මාණ ශිල්පයේ සුන්දරත්වය අතරින්, මලින් සැරසු අශ්ව කරත්ත නරඹමින් ඇවිද යා හැකි පැරණි මොන්ට්‍රියල් පරිසරය, අමුතුම ආකාරයේ ආශ්වදනිය අත්දැකීමක් ලබා දෙයි.
උදව්:
http://www.shorttrips.ca
montrealgazatte.com
 |
| China Town |
 |
| බිත්ති මියුරල් |
අද තමයි ඔයාගේ බ්ලොග් එකට මුලින්ම ආවේ , කැනඩාවේ ඉතිහාසය ගැන කියවලා නැති තරම් මේ ලිපිය නිසා කියවන්න හිතුණා. ස්තුතී ප්‍රංශ ගෘහ නිර්මාණවල උස ජනෙල් වලට මං හරිම ආසයි.
ReplyDeleteලිපි බොහොමයක කැනඩාවේ තොරතුරු තියෙනවා. බලන්න. අගය කිරීම සතුටක්
Delete