![Image result for @](https://upload.wikimedia.org/wikipedia/commons/e/e6/P_At_sign.png)
මෙය වාණිජ හා ගණකාධිකරණ කටයුතු සඳහා කාලයක සිටම පොත්පත්වල උපයෝගී කරගෙන තිබේ. එහෙත් ටයිප් රයිටරවල යතුරු පුවරුවට මේ සංකේතය පැමිණ ඇත්තේ 1900න් පසුයි. පරිඝනක යතුරු පුවරුවල ආරම්භයේ සිටම තිබු මෙය, දැන් ජාත්යන්තර ඉලෙක්ට්රොනික සංඛේතයක් බවට පත්ව ඇත.
![](https://blogger.googleusercontent.com/img/b/R29vZ2xl/AVvXsEjzeRThI6qZP7aFWH0AZ0AgFmZFkvAywUg5_QYc9WXP51p606-q807ni_FpuEmHKHyAiNrQMclTcKAcparuX-Ag1POmCV2rpaK4p__UfvZtXpAn0mjC7eJGeq8SDPP7yPmxgByjkVTAWu6J/s320/%2540.jpg)
දැනට ඇති මුලාශ්ර අනුව @ ලකුණ භාවිතයේ ආරම්භය ගැන මත කිහිපයකි. මෙයින් එක මතයක් වන්නේ මෙම ලකුණ ආගමික එකක් බවයි. 1345 කොන්ස්ටන්ටිනෝ මොනාසෙස් විසින් ග්රීක භාෂාවෙන් ලියු වාර්තාවල බල්ගේරියා පරිවර්තනවල ආමෙන් වදනේ A අකුර වෙනුවට a රවුමක් කරකවා ලියා ඇත.
මාධ්ය කාලින යුගයේදී බයිබලය මිල අධික පැපිරස්වල පිටපත් කරද්දී වැඩි වාර ගණනක් එන at, toward, by, about යන වචන ඉලක්කමකට පසු ආවිට තීන්ත ඉතිරි කරගැනීමට මෙම සලකුණ භාවිතා කර ඇති බව මතයකි.
වාණිජ කටයුතු සඳහා මෙය නිතර භාවිතා වී ඇතිබව පැරණි සටහන්වලින් පෙනී යයි. 1448 දී ස්පාඥ්ඥයේ තිරිඟු නැව්ගත කල සටහනක at the rate of යන්න කෙටිකර ලිවීමක් ලෙස @ හමුවී ඇත. ඉන්පසු බොහෝ භාණ්ඩ හුවමාරු සම්බන්ධ පොත්පත්වල මේ සලකුණ භාවිතා වී ඇති බවට සාක්ෂි ඇත.
![](https://blogger.googleusercontent.com/img/b/R29vZ2xl/AVvXsEiCWbva58UXWYdwdXDuP81t06B3oCiBYS_lys3INAxeHp2t6Igj_Qr56xcFFr_Rm8rWPdcFWgSEY6IpOwWT3CqJSAVTI8nTgVABVr1YKibJpBtiTDqAaOsqK_w_hvrFAkkfMtqFse7eC5Zx/s320/%2540.jpg)
නෝමන් ප්රංශ බසින් සඳහන් ගිණුම් පොත් හා ලෙජර සටහන්වල ද 1990 දක්වාම at වදන සඳහා @ ලියා ඇත.
![](https://blogger.googleusercontent.com/img/b/R29vZ2xl/AVvXsEhlDkuU4oMKT3qx84cj-VjeMOfW54RgshIxa2ocSxVCk6VytYpeAEqYask9ynBDTPcGNhpyhTs7vDxRGQ9EqxwRaqUO2Kl0AWWQ20H2Z6FIUvtttUwtzOISqVyo27IRUUkmkJoFgbluxYwj/s200/%25401.jpg)
මෙලෙස වෙළඳ හා වාණිජ කටයුතු සඳහා දිගු කලක් භාවිතා වූ මෙම සලකුණ විද්යුත් ලිපින සඳහා යොදාගැනීමත් සමග ලොව පුරා කෙටි කලකින්ම ප්රචලිත විය. පරිගණකයේ ⇑ හා 2 එකවර එබීමෙන් ලබාගත හැකි @, ලිපින වලටද සිමා නොවී, පෘථුල ලෙස ව්යාප්ත වී, වෙනත් දේ සඳහා ද යොදා ගැනේ.
අන්තර්ජාල සාකච්ඡ වලදී යොමු කරන තැනැත්තා පැහැදිලි කිරීමට @යොදා අදාල පුද්ගලයාගේ නම ලිවිම ඉන් එකකි.
ට්විටර් වැනි පණිවිඩ හුවමාරු බ්ලොග්වල පොදුවේ කියවිය හැකි පිළිතුරු සඳහා භාවිතය ප්රචලිතය. @ සමග එන නම් ට්විටර් ID ලෙසද යොදා ගැනේ.
විවිධ programing language වල එකිනෙකට වෙනස් භාවිතයන් සඳහා @ යොදාගනී.
සමහර වීඩියෝ ක්රීඩාවල පුද්ගලයෙක් වෙනුවට යොදාගනී.
ක්රීඩා උළෙලක් ගැන දැනුවත් කිරීම් පෝස්ටර්වල කණ්ඩායම් දෙකක් එකිනෙකට එරෙහිව ක්රීඩා කරන බව දන්වන්නට යෙදෙන vs වෙනුවට යොදාගැනීම ඇමරිකාවේ දැන් සිදුවේ.
යම් ස්ථානයක් දැක්වීමට @ යෙදීම දැන් බහුලව දක්නට ලැබේ. @ Police Grounds, @ BMICH ආදී ලෙස.
කෙටි පණිවිඩ යවන විට at සහිත වචන සඳහා යොදාගැනීම බහුලය. @mosphere, @yr own rsk
නවීන චිත්ර, වෙළඳ දැන්වීම් හා ගොඩනැගිලි මෝස්තරවල යොදාගත් අවස්ථා ඇත.
![](https://blogger.googleusercontent.com/img/b/R29vZ2xl/AVvXsEiq8IV2lYLBa0SoisS2tzZtaitRgfng8Ji-T3e60q-zj35J4F7bxpflY205ibDkFiCEbGGAXGZFttvypqcqsfKTL6sTZnKxUis391tEVpDKfhDVQq-1nTGJbvAwgJS6Z3DmZQesgv42jVme/s1600/%25403.jpg)
මෙම සලකුණට විවිධ භාෂාවලින් කියන නම් අතර විසිළු ස්වභාවයක් ඇති, සතුන්ට සම්බන්ධ නම් ද වේ.
ලන්දේසි භාෂාවෙන් apenstaartje -වඳුරු වලිගය
ඩෙන්මාර්ක් භාෂාවෙන් snabel - අලි හොඬ
පින්ලන්ත බසින් kissanhnta - බළල් වලිගය
ජර්මන් බසින් klammeraffe - එල්ලී ඉන්න වඳුරා
හංගේරියානු භාෂාවෙන් kukac -පණුවා
කොරියන් බසින් dalphaengi - ගොලුබෙල්ලා
ග්රීක බසින් papaki - තාරා පැටියා
රුසියන් බසින් sobachka -බලු පැටියා
පුදුමයකට වගේ මේ ලකුණට අදටත් නිල ලෙස, පොදුවේ භාවිතා වන සම්මත නමක් නැත.
රසුදැල් හැඬවීමට උදව්:
http://www.atsymbol.com/history.htm
www.britannica.com/art
http://www.atsymbol.com
https://en.wikipedia.org/wiki/At_sign
https://www.vectorstock.com
Fantastic
ReplyDeleteThank YOuuu
Deleteදුර්ලභ දැනමුක් ගෙන එන ඉතා ප්රශංසනීය ලිපියකි. රසුදැල්ට ස්තුතියි
ReplyDeleteඅගය කිරීම ගැන ස්තුතියි ගුණසිංහ මහතා
DeleteThis comment has been removed by the author.
ReplyDeleteඔය සලකුණ ගැන වැඩිය කියවල තිබ්බේ නැහැ. හොඳ ලිපියක්.
ReplyDeleteමේ ගැන වැඩිය ලියවිලත් නැති නිසා ලියන්න හිතුවේ.
Deleteඔබ මට තරුවකි!!!!! හැමදාම වගේ කියවන්න ආස හිතෙන ලිපියක්.
ReplyDelete***up high in the sky..**** :D
ReplyDelete